Qostanaıda «Trıýmf» jeńimpazdary marapattaldy
QOSTANAI. QazAqparat - Oblys ákimi Arhımed Muhambetovtiń qatysýymen ótken «Trıýmf» baıqaýynda orta bilim berý salasynyń úzdikteri marapattaldy, dep habarlaıdy QazAqparat tilshisi.
Óńirdiń eń úzdik órenderin qoldaý maqsatynda uıymdastyrylǵan atalmysh baıqaý 2011 jyldan beri ótkizilip keledi. Bıylǵy marapattalǵandar qatarynda oblystyq, respýblıkalyq, halyqaralyq deńgeıdegi zııatkerlik, shyǵarmashylyq, óner jáne sporttyq saıystarynyń jeńimpazdary bar. Sharada oqýshylarmen qatar, olardyń ustazdary da qurmetke bólendi.
«Egemendik alǵan jyldardan beri Elbasymyz únemi arnaıy mektepterdegi daryndy balalardyń zııatkerlik jáne shyǵarmashylyq qabiletterin shyńdaýlaryna da erekshe kóńil bólip keledi. Ol óziniń jyl saıynǵy Joldaýynda bilim salasynyń mańyzdylyǵyn atap ótedi. Sol sebepti de búgin Qostanaı oblysynyń kórkeıip, nyǵaıýyna úles qosqan, jyl boıy túrli dodalarda kózge túsken daryndy jastardy jınap otyrmyz. Qostanaı jerinde de túrli salada jetistikke jetip júrgen jastar jeterlik», - dedi óziniń quttyqtaý sózinde Arhımed Muhambetov.
Jyl úzdikterin Qazaqstannyń Eńbek Eri Saıran Buqanov, sporttyq bıden halyqaralyq jarystardyń júldegeri Málıka Muhtarovalar quttyqtady. Sondaı-aq, jeńimpazdar Ivan Dychko, Súndet Baıǵojın, Serikbaı Bısekeev syndy tanymal jerlesteriniń beınequttyqtaýyn qabyl aldy.
Shara sońynda Arhımed Muhambetov «Trıýmf» ıegerlerin marapattady.
