Qostanaıda traktor zaýyty salynatyn boldy
QOSTANAI. QazAqparat - Qostanaı oblysynda lıft jasaıtyn zaýyttyń qurylysy orta jolda toqtady. Qostanaı ındýstrııalyq aımaǵynda onyń ornyna «Kırovets» traktorlaryn shyǵaratyn zaýyt iske qosylady, dep habarlaıdy QazAqparat tilshisi Qostanaı oblysy ákiminiń orynbasary Meıirjan Myrzalıevke silteme jasap.
M. Myrzalıev lıft jasaý jobasynyń toqtatylýy Reseıdiń «VEK» kompanııasynyń qarjylyq qıyndyqtarymen baılanysty ekenin aıtty.
«Ústimizdegi jyly reseılik tarappen lıft shyǵarýdy josparlaǵan bolatynbyz. Biraq ekaterınbýrgtik kompanııa artynsha jobadan bas tartty. Olarda qarjy jetispegen bolýy múmkin», - dedi ákim orynbasary.
Lıft shyǵaratyn zaýyttyń bir ǵımaraty oblystyń bıýdjet qarajattary esebinen boı kóterip edi. Endi ol traktor qurastyratyn zaýytqa beriledi.
«Reseılik kompanııa Mınsk traktor zaýytymen yntymaqtastyqta zaýytty iske qosady. Jospar boıynsha munda jylyna 3 myńǵa deıin traktor shyǵarylady», - dedi ol.
