Qostanaıda Toyota shaǵyn avtobýsy býldozermen soqtyǵysyp, 4 adam mert boldy
ASTANA. QazAqparat - 24 tamyzda Qarabutaq - Qostanaı tasjolynyń 495-shaqyrymynda Toyota shaǵyn avtobýsynyń júrgizýshisi býldozermen soqtyǵysqan. Jol-kólik oqıǵasy saldarynan júrgizýshi men úsh jolaýshy oqıǵa ornynda kóz jumdy, dep habarlaıdy QazAqparat Polisia.kz saıtyna silteme jasap.
Úsh jolaýshy Rýdnyı qalasynyń aýrýhanasyna jatqyzyldy. Avtokólik Jitiqaradan Qostanaıǵa bara jatqan.
Júrgizýshi jol qozǵalysy erejelerin óreskel buzyp, birqatar jol belgisin elemeı, jol qozǵalysy úshin jabyq tehnologııalyq ýchaskege barǵany anyqtaldy.
QR QK-niń 345-babynyń 4-bóligi boıynsha «Eki jáne odan da kóp adamnyń ólimine ákep soqqan JQE buzý» boıynsha sotqa deıingi tergeý bastaldy. Qajetti tergeý áreketteri júrgizilip jatyr.
