Qostanaıda tótenshe jaǵdaılar týraly habarlaıtyn qosymsha iske qosyldy
QOSTANAI. QazAqparat - Qostanaı oblysy Tótenshe jaǵdaılar departamenti jedel habarlaý maqsatynda smartfondar men planshetterge arnalǵan Darmen tegin mobıldi qosymshasynyń iske qosylǵany týraly jarııa etti, dep habarlaıdy QazAqparat.
Qosymsha Android Jáne iOS operatsııalyq júıelerine arnalǵan.
«Bul baǵdarlama birneshe sekýnd ishinde Qostanaı oblysynyń aýmaǵyndaǵy TJ qaýpi men týyndaýy týraly halyqty jappaı habardar etýge múmkindik beredi. Qazirgi ýaqytta onda «Qazgıdromettiń» málimetteri jınalǵan. Atalmysh qosymshamen qatar uıaly telefon nemese planshetke SMS-habarlama arqyly da eskertý túsedi», - dep túsindirdi TJD baspasóz qyzmetindegiler.
Darmen Qostanaı oblysynda 24 sáýirden bastap iske qosyldy. Baǵdarlamany App Store jáne Play Market uıaly telefondaryna arnalǵan qoldanbalar dúkenderinen júktep alýǵa bolady.
