Qostanaıda tıisti qujatsyz Reseıge ótpek bolǵan avtobýs ustaldy
QOSTANAI. QazAqparat - Qostanaı oblysynyń aýmaǵynda tıisti tehnıkalyq baqylaýdan ótpegen jolaýshylar avtobýsy ustaldy, dep habarlaıdy «QazAqparat» HAA Qostanaı oblysy ІІD jergilikti polıtsııa qyzmeti basshysynyń orynbasary Qurmet Májikenovke silteme jasap.
Jaqynda Rýdnyıdan Reseıge qaraı bet alǵan avtobýs shekaraǵa taıaý tusta toqtatyldy. Chelıabi qalasyna bara jatqan kóliktiń ishinde 22 adam bolǵan. Tekseris barysynda anyqtalǵandaı, qoǵamdyq kólik jyl saıynǵy mindetti tehnıkalyq baqylaýdan ótpegen. Sol úshin júrgizýshige ákimshilik hattama toltyryldy. Zań boıynsha oǵan 5 tómengi AEK kóleminde aıyppul salynady. Al jolaýshylar basqa avtobýsqa otyrǵyzyldy.
«Avtobýs» jedel aldyn alý is-sharasy barysynda polıtsııa, prokýratýra, kóliktik baqylaý ınspektsııasy, memlekettik kirister departamenti ókilderinen quralǵan arnaıy top avtobýstar parkin jan-jaqty teksere bastady. Sondaı-aq, qoǵamdyq kólikterdiń tehnıkalyq jaǵdaıyna da asa mán beriledi. Sál kinárat tabylsa, jóndeýge jiberiledi. Zań boıynsha solaı. Osy on shaqty kúnniń ishinde oblystaǵy 900-den astam avtobýstyń tórtten biri tolyq tekseristen ótken», - deıdi Májikenov.
Aıta keteıik, búginde Qazaqstan boıynsha «Avtobýs» jedel-profılaktıkalyq sharasy ótip jatyr. https://kaz.inform.kz/news/kostanaylyk-policeyler-avtobustardy-tekserip-zhatyr_a3130826 Bul shara bastalǵannan beri oblys boıynsha 150-ge tarta quqyqbuzýshylyq anyqtalǵan. Arasynda zańsyz jolaýshylar tasymalymen aınalysqandar da bar.
