Qostanaıda terrorızmge qatysty jalǵan habarlama taratqan jasóspirim sottaldy
QOSTANAI. KAZINFORM – Qostanaı qalasyndaǵy saýda ortalyqtarynyń birinde terrorızm aktisi týraly kórineý jalǵan habarlama bergen kámeletke tolmaǵan jasóspirim qylmystyq jaýapkershilikke tartyldy.
Jedel-izdestirý is-sharalary barysynda oblystyq Polıtsııa departamentiniń ekstremızmge qarsy is-qımyl basqarmasynyń qyzmetkerleri quqyq buzýshyny anyqtady.
- Іsti qaraý qorytyndysy boıynsha Qostanaı oblysynyń kámeletke tolmaǵandar isteri jónindegi mamandandyrylǵan aýdanaralyq soty jasóspirimge bir jyl merzimge probatsııalyq baqylaý belgileý arqyly bas bostandyǵyn shekteý jazasyn taǵaıyndady. Sot aktisi zańdy kúshine engen joq, - delingen ІІM dereginde.
Polıtsııa terrorızm aktisi týraly kórineý jalǵan habarlaý qylmystyq jaýapkershilikke ákep soǵatynyn eskertti.
Aıta keteıik, buǵan deıin TikTok jelisinde nekege májbúrleý týraly jalǵan beınejazba salǵan áıel jazalandy.