Qostanaıda «terezeshi» alaıaqtyń isi tergelip jatyr
ASTANA. QazAqparat - Qostanaı qalalyq prokýratýrasy plastıkalyq tereze ornatýmen baılanysty alaıaqtyq faktileri boıynsha tergep-tekserý bastalǵanyn málimdedi. Bul jaıly alau.kz habarlaıdy.
Sotqa deıingi tergep tekserý kásipker Ratýshnıakqa qatysty júrgizilip jatyr. Qyrkúıek aıynda ol qostanaılyq áıelge balkonyn árlep beremin dep ýáde berip, aldyn ala 100 myń teńge alyp ketken. Sodan keıin ony tabýdyń múmkindigi bolmaǵan.
Іsti Qostanaı qalalyq prokýratýrasynyń qyzmetkerleri baqylaýyna aldy. «QR Qylmystyq kodeksiniń 190-babyna («Alaıaqtyq») sáıkes sotqa deıingi tergep-tekserý júrgizilýde. Qazirgi kezde is óndirisinde bes jábirlenýshiniń shaǵymy qarastyrylýda», - deıdi Qostanaı oblystyq ІІD baspasóz qyzmetiniń basshysy Irına Bejenar.
Polıtsııa basqa jábirlenýshiler bolsa, ishki ister basqarmasyna habarlasýyn suraıdy.
