Qostanaıda terezeden sekirip qashqan ury polıtseı bolýy múmkin
QOSTANAI. QazAqparat - Oblys ortalyǵynda urlyq jasaǵan 3 adamnyń biri tártip saqshysy bolýy múmkin, dep habarlaıdy QazAqparat tilshisi.
Tanymal fotosýretshi Kırıll Fılıppenkovtiń aıtýynsha, onyń úıine basa kóktep kirip, urlyq jasaǵandardyń biri - tártip saqshysy.
«Úıimnen 4 mıllıon 910 myń teńge urlandy. 3 buzaqyny kórshim baqylap qalǵan. Olardyń barlyǵyn tanımyn. Biri qostanaılyq sportshy, ekinshisi tártip saqshysy, al úshinshisi onyń aǵasy», - dedi Kırıll Fılıppenkov.
Eske salsaq, 10 aqpanda Fılıppenkovtiń úıin tonaǵan 3 kúdikti ál-Farabı kóshesindegi turǵyn úıdiń kireberisinen ustaldy. Atalǵan fakt boıynsha QR QK 188-baby 3 tarmaǵymen sotqa deıingi tergeý sharalary bastaldy.
Oblystyq ІІD baspasóz qyzmeti atalǵan oqıǵa týraly málimdeme berýden bas tartty.
