Qostanaıda teplovoz er adamdy qaǵyp ketti
QOSTANAI.QazAqparat - Teplovoz mashınısi er adamdy soǵyp ketti, dep habarlaıdy «QazAqparat» HAA Qostanaı oblysy TJD baspasóz qyzmetine silteme jasap.
Oqıǵa 7 shildede boldy. TJD kezekshi bólimine teplovoz mashınısiniń temir jol ústinde bógde adamnyń turýyna baılanysty shuǵyl tejegishti qoldanǵany týraly habarlama kelip túsken.
«Mashınıst teplovozdy toqtata almady. Nátıjesinde Qostanaı qalalyq aýrýhanasynyń jaraqattaný bólimine 1980 jyly týǵan er adam tústi. Onyń mas bolǵany anyqtaldy. Oǵan alǵashqy medıtsınalyq kómek kórsetildi», - delingen TJD baspasóz habarlamasynda.
Vedomstvonyń baspasóz hatshysy Ýálıhan Dosanovtyń aıtýynsha, jábirlenýshi aýrýhanadan óz erkimen shyǵyp ketken.
