Qostanaıda teńgeniń 25 jyldyǵyna baılanysty saıabaq ashylady
QOSTANAI. QazAqparat - Qostanaı oblysynyń ákimi Arhımed Muhambetov tól teńgeniń 25 jyldyǵyn keń kólemde atap ótýdi tapsyrdy, dep habarlaıdy QazAqparat.
QR Ulttyq banki oblystyq fılıalynyń dırektory Jomart Qajyrahymovtyń málimetinshe, oblysta teńgeniń 25 jyldyǵyna arnalyp, ashyq esik kúnderi, baıqaýlar, jıyndar ótedi. Óz kezeginde Arhımed Muhambetov te bank ókilderine usynysyn aıtty.
«Teńgeniń 25 jyldyǵyn keń kólemde atap ótý kerek. Áýeli, qarjy qyzmetkerleri jıylyp, oblys ortalyǵynan úlken saıabaq ashsyn. Bank fılıaldarynyń basshylary bul usynysymdy quptaıdy dep senemin. Osylaısha este qalarlyq etýge bolady», - deıdi aımaq basshysy.
Aıta keteıik, bul ıdeıa apparat májilisiniń hattamasyna engizildi. Oblys ákimi bolashaq saıabaqtyń ornyn belgileýdi orynbasarlaryna tapsyrdy.
