Qostanaıda temirjol aýmaǵynda jasóspirimdi toq soqty
ASTANA. KAZINFORM — Qostanaıda temirjol aýmaǵynda mektep oqýshysyn toq soǵyp, aýyr elektr jaraqatyn aldy. Qazir bala jansaqtaý bóliminde jatyr, dep habarlaıdy Kazinform tilshisi.
Áleýmettik jelilerde taraǵan aqparatqa sáıkes, 2013 jyly týǵan jasóspirim dostarymen birge Rýdnyı qalasynan Qostanaıǵa kelgen. Aldyn ala málimet boıynsha, kámeletke tolmaǵandar temirjol joldary ornalasqan aýmaqta bolǵan. Sol jerde oqýshyny elektr toǵy soqqan.
Óńirlik densaýlyq saqtaý basqarmasy zardap shekken balanyń jaǵdaıy aýyr ekenin rastady.
— Bala aýyr jaǵdaıda jansaqtaý bóliminde jatyr. Qajetti em alyp jatyr, — dep habarlady vedomstvo.
Buǵan deıin Oralda 10 jastaǵy balany toq soǵyp, qaza tapqan bolatyn.
Tamyz aıynda Astanada balalar alańynda taǵy bir balany toq soqqan. Keıin qurylys kompanııasyna kabelge qatysty anyqtalǵan zańbuzýshylyqtardy joıý qajettigi birneshe ret eskertilgeni belgili boldy.
Buǵan deıin Qostanaıda vagonnyń ústine shyǵyp sýretke túspek bolǵan jasóspirimdi toq soqqanyn jazǵan edik.
