Qostanaıda temirjolshylar vagon bólshekterin ózderi urlaǵan

ASTANA. QazAqparat - Qostanaı stansaıasyndaǵy ishki ister jelilik bólimine «Qaztemirtrans» AQ-dan Jelezorýdnaıa stansasynda «Qaztemirtrans» AQ-ǵa tıesili 26 vagonnan belgisiz bireýler bólshekterdi urlap ketkendigi jóninde habarlama kelip tústi. Keltirilgen shyǵyn kólemi 266 825 teńgege baǵalandy. Bul týraly QR ІІM Kóliktegi ІІD-niń baspasóz qyzmeti habarlady.

Іshki ister jelilik bóliminiń krımınaldyq polıtsııa qyzmetkeri júrgizgen jedel-izdestirý is-sharalarynyń barysynda Qostanaı oblysy Rýdnyı qalasynyń 1982, 1988 jáne 1994 jylǵy úsh turǵyny anyqtalyp, ustaldy. Olar bólshekter qoldy bolǵan stansanyń Tehnıkalyq qadaǵalaý pýnktiniń qyzmetkerleri bolyp shyqty.

Kúdiktiler atalǵan qylmysqa qatysy bar ekendikterin moıyndady.

Atalǵan oqıǵa boınysha QR QK-niń 188-baby 2-tarmaǵy (bótenniń múlkin urlaý) boıynsha sotqa deıingi tergeýdiń biryńǵaı tizilimine tirkeldi.

Qazirgi ýaqytta is sotqa jiberildi.