Qostanaıda temirjol ótkelinde poıyz ben kólik soqtyǵysty

QOSTANAI. QazAqparat – Qostanaı qalasyndaǵy kóliktik HQO aýdanyndaǵy temirjol ótkelinde kólik poıyzben soqtyǵysty, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

«Búgin tańerteń kóliktik HQO aýdanynda jol-kólik oqıǵasy oryn alǵan – «Nur-Sultan – Oral» baǵytymen júrip kele jatqan poıyz temirjol ótkelinde 40 jastaǵy er adam júrgizip kele jatqan «Shevrole krýz» kóligimen soqtyǵysty. Qazirgi kezde oqıǵa ornynda tergeý-jedel toby jumys istep jatyr», - dep túsindirdi departamentten.

Kólik júrgizýshisiniń temirjol ótkelinen baǵdarshamnyń tyıym salynǵan belgisi janǵanda ótpek bolǵany anyqtaldy.

Júrgizýshi aýyr halde aýrýhanaǵa jetkizildi.

Tıisti tergeý amaldary júrgizilip jatyr.

Polıtsııa departamentinde júrgizýshilerge ásirese aýa raıynyń qolaısyz jaǵdaıynda jol erejelerin saqtaý qajettigi týraly eskertýde.