Qostanaıda tehnıkalyq qyzmet kórsetý stansysy men syr-boıaý ónimderin ázirleıtin tseh órtenip ketti
QOSTANAI. Aqpannyń 16-sy. QazAqparat /Petr Plahotnıkov/ - Dúısenbi kúni keshke Qostanaıda úlken órt oqıǵasy bolyp, tilsiz jaý syr-boıaý ónimderin ázirleıtin tsehty, avtojýý orny men tehnıkalyq qyzmet kórsetý stansysynyń garajyn jalmady.
Qostanaı oblysynyń Tótenshe jaǵdaılar departamentiniń baspasóz qyzmetinen habarlaǵandaı, órtengen jerdiń jalpy aýdany 900 sharshy metrdi quraǵan, nysannyń shatyrynan eshteńe qalmaǵan. Órttiń sebebi men kelgen materıaldyq shyǵyn anyqtalýda. Zardap shekkender men qurban bolǵandar joq. Biraq, órt sóndirýshiler jedel jáne tabandy áreket etpegen jaǵdaıda, órttiń saldary aýyrlaý bolatyn edi, deıdi derekkóz.
Órt sóndirý kezinde ishten avtokólik, jeti ottegi ballony, úsh gaz ballony, bıtým quıylǵan bóshke jáne olıf quıylǵan bes lıtrlik 100 kanıstr shyǵarylyp, qaýipsiz aýmaqqa kóshirilgen.
