Qostanaıda tasjoldaǵy apat: kóliktegi balany arnaıy quralmen shyǵarýǵa týra keldi

QOSTANAI. QazAqparat — Qostanaı oblysyndaǵy aýdandardyń birinde iri kólik apaty bolyp, úsh adam zardap shekti. Olardyń arasynda bala bar, dep habarlaıdy QpazAqparat tilshisi Qostanaı oblystyq TJD-ǵa silteme jasap.

Vedomstvonyń málimetinshe, «NissanLargo» markaly avtokólik ıesi rýldi ıgere almaı, joldan ushyp ketken. Altynsarın aýdany B.Chýrakovka – Prıozernoe aýdandyq mańyzy bar tasjolda aýdarylyp qalǵan.

«Saǵat 9:23-te qutqarýshylar kelgen kezde oqıǵa ornynda jedel járdem jumys istep jatqan. Kólikte 4 zardap shegýshi boldy, olardyń biri 2013 jylǵy bala. Qutqarýshylar arnaıy qurylǵynyń kómegimen synǵan terezeden shyǵaryp alyp, ony jol-jónekeı kólikke salyp, Altynsarın aýdandyq aýrýhanasyna jetkizdi», - dedi TJD-dan.

Jol-kólik oqıǵasy bolǵan jerden aýyr jaraqat alǵan basqa da zardap shegýshiler Altynsarın aýdandyq aýrýhanasyna jetkizildi.

«2000 jylǵy jas jigittiń keýdesi men tizesi jaraqattanǵan. 1981 jylǵy er adamnyń qabyrǵasy synyp, qoly tilinip ketken. 1979 jylǵy RF azamatshasynyń ishi jaraqattanyp, qabyrǵasy synǵan. Úsheýi de dárigerlerdiń baqylaýynda, jaǵdaılary turaqty», - dedi departamentten.