Qostanaıda tanysyn pyshaqtap óltirdi degen kúdikpen 51 jastaǵy áıel ustaldy
QOSTANAI. QazAqparat - Qostanaı oblysynda 51 jastaǵy áıel óz úıinde tanysyn pyshaqtaǵan, dep habarlaıdy «QazAqparat» HAA oblystyq ІІD-niń baspasóz qyzmetine silteme jasap.
Qaıǵyly oqıǵa Fedorov selosynda bolǵan. «51 jastaǵy Fedorov aýylynyń turǵyny 60 jastaǵy er adammen ishimdik iship, arty janjalǵa ulasady. Sálden soń áıel bótelkelesine eki márte pyshaq suqqan. Jábirlenýshi oqıǵa ornynda kóz jumdy», - delingen habarlamada.
Kúdikti ýaqytsha ustaý ızolıatoryna qamaldy. QR QK 99-baby(«Kisi ólimi») boıynsha sotqa deıingi tergeý amaldary júrgizilip jatyr.
