Qostanaıda «Talas» sharaby tonnalap qoldan óndirilip kelgen
QOSTANAI. QazAqparat - Qostanaıda «Talas» sharabyn qoldan óndirip kelgen jasyryn tseh anyqtaldy, dep habarlaıdy «QazAqparat» HAA tilshisi.
Óten jyldyń jeltoqsan aıynan beri óńirdegi dúkenderde jasandy alkogoldik ishimdikter satylyp kelgen.
«Jasyryn tsehtaǵy óndiris úshin ótken jyly jabylǵan alkogol óndiretin zaýyttyń jabdyqtary qoldanylyp kelgen, - dep habarlady Qostanaı oblystyq memlekettik kirister departamentiniń Ekonomıkalyq tergeý qyzmeti (ETQ).
«Jalǵan sharap ázirleýshiler óz qylmystaryn jasyrý úshin túngi ýaqytta az mólshermen ónimderin ázirlep júrgen. Daıyn ónimder sol túni Qostanaıdyń túrli aýdandarynda ornalasqan qoımalarǵa jetkizilip, sol jerlerden qala men oblys boıynsha taratylyp kelgen».
Jedel qyzmetkerler zańsyz óndiris orny men qoımalarǵa tintý júrgizdi. Tergeý qyzmetiniń nátıjesi boıynsha quıýǵa ázirlengen 32 tonna sharap tabylyp, jasandy esep-baqylaý markasy men 4 myńnan astam daıyn ónim shólmekteri tabyldy. Qylmystyq is qozǵalyp, 10 mln teńge turatyn ónimder tárkilendi. «Qazirgi tańda qylmystyq is aıaqtalyp, sotqa ótkizildi», - dep atap ótti ETQ.
