Qostanaıda taksıstti mert qylǵan polıtseıdiń isi sotta qaralýda
QOSTANAI. QazAqparat - Qostanaı qalasynyń №2 sotynda adamnyń ólimine alyp kelgen jol apatyn jasaǵan polıtseıge qatysty qylmystyq is qaraldy, dep habarlaıdy QazAqparat tilshisi.
Qalalyq ІІB-de jumys isteıtin 22 jastaǵy polıtseı QR QK 345-baby, 3-bóligi (avtokólik júrgizýshisiniń abaısyzdyǵynan adam ólimine alyp kelgen jol qozǵalysy erejesin buzýy) boıynsha aıyptalýda.
Ústimizdegi jyldyń 30 shildesi kúni saǵat 05.45 shamasynda «VAZ Priora» jekemenshik kóliginde bolǵan polıtseı Baımaǵambetov kóshesimen kele jatyp, baǵdarshamnyń qyzyl belgisi janǵanyna qaramastan, L.Beda kóshesine burylǵan. Kóshe qıylysynda ereje saqtap kele jatqan taksı - «Lada Granta» kóligine soǵylady. Jol apatynan soń «Lada Granta»-nyń júrgizýshisi aýrýhanaǵa aýyr halde jetkizilip, jaraqattarynyń aýyr bolýy saldarynan kóz jumdy.
Іske qatysty basty sot otyrysy 16 qazanǵa belgilendi.
