Qostanaıda taksı júrgizýshisi men jasylǵa boıalǵan qyz tatýlasty
ASTANA. QazAqparat - Qostanaıdaǵy sotta taksı júrgizýshisi men jasyl dárige jýynǵan qyzdyń arasyndaǵy is tatýlasýmen aıaqtaldy, dep habarlaıdy alau.kz oblystyq sottyń baspasóz qyzmetine silteme jasap.
№2 Qostanaı qalalyq sotynda sot otyrysy kezinde taraptardyń arasynda tatýlasý týraly medıatıvtik kelisim jasalǵany habarlandy.
«Sottyń úkimimen 22 mamyr kúni Murat Bıjanov QR QK 293-baby 1-tarmaǵy boıynsha QR QK 68-baby 1-tarmaǵy negizinde zardap shegýshimen tatýlasýǵa baılanysty qylmystyq jaýapkershilikten bosatyldy. Qylmystyq is toqtatyldy», - dep atap ótti baspasóz qyzmeti.
Eske salaıyq, bıyl aqpanda Qostanaı polıtseıleri jolaýshyny jasyl dárige jýynýǵa májbúrlegen taksı júrgizýshisin ustaǵan edi. Osylaısha, ol jol aqysyn tóleýden bas tartqan qyzdy jazalamaq bolǵan. Sondaı-aq, ol bul oqıǵany vıdeoǵa túsirip, áleýmettik jelige salǵan.
