Qostanaıda taǵy bir adam úsip óldi
QOSTANAI. QazAqparat - Qostanaı oblysynda ishimdik ishken er adamdy óz úıiniń aýlasynda úsik shalyp, kóz jumdy, dep habarlaıdy QazAqparat oblystyq densaýlyq saqtaý basqarmasyna silteme jasap.
Oqıǵa Meńdiqara aýdanynda bolǵan.
«Vedenka aýylynan er adamnyń máıiti jetkizildi. Ol ishimdik ishken kúıi óz úıiniń aýlasynda úsip ketken. Máıitti teksergen kezde jaraqat jáne zorlyq-zombylyq izderi bolǵan joq», - deıdi vedomstvonyń baspasóz qyzmetindegiler.
Buǵan deıin oblystyq TJD baspasóz qyzmeti Sarykól aýdanynda eki balyqshynyń adasyp ketkenin habarlaǵan bolatyn.
Aıazdyń kúsheıip ketýine baılanysty Qostanaı oblysynyń TJD úsik shalǵan ýaqytta alǵashqy kómek kórsetý joldaryn túsindirip, aıaz kezinde adam ózin qalaı saqtandyrý kerektigin eske salady.
