Qostanaıda syra tıelgen kólik órtenip ketti
QOSTANAI. QazAqparat - Qostanaı oblysynda júk kóligi órtenip ketti, dep habarlaıdy QazAqparat tilshisi TJD-nyń baspasóz hatshysy Merýert Balǵınovaǵa silteme jasap.
Tótenshe jaǵdaı Denısov aýdanynyń mańynda bolǵan. Oblystyq TJD baspasóz qyzmetiniń málimetinshe, órt 6 sharshy metr aýmaqty qamtyǵan.
«Qostanaı-Qarabutaq» tas jolynyń boıynda «Maz» júk kóligi órtenip ketti. Kóliktiń aldyńǵy dońǵalaǵy men kabınasy, tirkemeniń bólikteri janǵan. Oqıǵa ornyna jeke quramnyń 4 órt sóndirýshisi men arnaıy tehnıkalar jumyldyryldy», - dedi vedomstvonyń ókili Merýert Balǵınova.
Órttiń naqty sebepteri anyqtalǵan joq. TJD aqparatyna sensek, órt kezinde quny 7 mln teńge turatyn syra jáshikteri oqshaýlandy.
