Qostanaıda sybaılas jemqorlyqpen kúres organynyń qyzmetkeri tutqyndaldy
QOSTANAI. QazAqparat - Qostanaıda oblystyq Sybaılas jemqorlyqqa qarsy is-qımyl ulttyq bıýro departamentiniń asa mańyzdy ister boıynsha jedel basqarmasynyń ofıtseri ustaldy, dep habarlaıdy QazAqparat tilshisi oblystyq sottyń baspasóz qyzmetine silteme jasap.
«2019 jyldyń 7 aqpanynda Qostanaı qalalyq mamandandyrylǵan tergeý soty Jedel-tergeý tobynyń basshysy - Sybaılas jemqorlyqqa qarsy is-qımyl ulttyq bıýrosy Іshki qaýipsizdik basqarmasynyń bas tergeýshisi T.J.Amantaıdyń oblystyq prokýrordyń orynbasary K.Mamaevpen kelisilgen óńirlik Sybaılas jemqorlyqqa qarsy is-qımyl ulttyq bıýro departamenti Asa mańyzdy ister boıynsha jedel basqarmasy Asa mańyzdy ister boıynsha jedel basqarmasynyń ofıtserine qatysty 2 aıǵa «qamaýda ustaý» túrindegi bultartpaý sharasy týraly ótinishin qanaǵattandyrdy», - dep habarlady oblystyq sot.
Burynǵy ofıtser QR QK 366-baby 2-bóligi, 24-baby 3-bóliginde qarastyrylǵan qylmystyq quqyq buzýshylyqty jasady degen kúdikke ilindi. Atap aıtqan, asa iri kólemde para almaqshy bolǵan.
