Qostanaıda sý tasqyny kezinde engizilgen tótenshe jaǵdaı alynyp tastaldy
ASTANA.KAZINFORM — Tótenshe jaǵdaı resmı túrde 2024 jyldyń 6 sáýirinde engizilip, toǵyz aıǵa sozyldy.
Bıyl Qostanaı oblysynyń aýdandary ǵana emes, oblys ortalyǵynyń ózi de tabıǵı apattan zardap shekti. Qostanaı qalasynyń ákimi Marat Júndibaev tótenshe jaǵdaıdyń resmı túrde joıylǵanyn habarlady.
Sý tasqyny kezinde Tobyl ózeniniń sýy qala jaǵalaýyn jáne júzdegen jeke turǵyn úılerdi basyp qaldy. Ásirese, Kolesnyı aýdany men saıajaılar zardap shekti.
Sý tasqynynyń zardabyn joıý barysynda «Kolesnye rıady» aımaǵyndaǵy 100-den astam apatty turǵyn úıler súrildi. Baspanasyz qalǵandarǵa ákimdik 2 mıllıard teńgeden asatyn 98 páter satyp aldy.
Sondaı-aq, jańa «Qýnaı» shaǵyn aýdanynda 14 turǵyn úı salyndy. Jóndeýge jatatyn 106 úıdiń 97-sinde jóndeý jumystary aıaqtaldy.
Sonymen qatar, sý tasqynynan zardap shekken Qostanaı oblysynyń sharýalary áli kúnge deıin joǵalǵan maldary úshin ótemaqy tólenbegenin aıtyp shaǵymdanyp keledi.
Eske salsaq, buǵan deıin Qostanaı oblysynda kedeılik sheginen tómen turatyndar azaıǵanyn jazǵan edik.