Qostanaıda sýpermarket sý astynda qaldy
ASTANA. KAZINFORM – Áleýmettik jelilerde taralǵan Qostanaı qalasyndaǵy sýpermarketti sý basýyna qatysty túsinik berildi.
«7 sáýirde Qostanaı qalasyndaǵy «Apelsın» sýpermarketin sý basty. Sýpermarkettiń ıeleri men qyzmetkerleri aldyn ala eskertilip, evakýatsııalandy. Jaǵdaı turaqtalǵannan keıin apattan kelgen zalal baǵalanyp, tıisti kómek kórsetiledi. 7 sáýirdegi jaǵdaı boıynsha Qostanaı qalasynda basqa sýpermarketter zardap shekken joq. Azyq-túlik jetkizý jaǵdaıy turaqty, saýda sýbektileri shtattyq rejımde jumys istep jatyr», - dedi Qostanaı oblysy boıynsha Saýda jáne tutynýshylardyń quqyqtaryn qorǵaý departamentiniń basshysy Myrzahan Erqanov Instagram jelisinde.
Qostanaı oblysynda bógettiń buzylatyny týraly jalǵan aqparat taraǵanyn jazǵan bolatynbyz.