Qostanaıda sýǵa batyp bara jatqan eki jasóspirim qutqaryldy
QOSTANAI. QazAqparat - Soltústik óńirlik aeroutqyr jedel-qutqarý jasaǵynyń qyzmetkerleri sýǵa batyp bara jatqan eki jasóspirimdi qutqaryp qaldy, dep habarlaıdy QazAqparat tilshisi.
«Qutqarýshylar Oljas Ádilbek pen Madııar Ahataev reıd barysynda Tobyl ózeninen aǵysqa qarsy júzip kele jatqan eki jasóspirimdi baıqap qalǵan. Olar kómek suraǵan daýysty estip, sýǵa qutqarý quraldarymen birge túsedi. Qutqarýshylardyń jyldam áreket etýiniń arqasynda zardap shegýshiler aman qaldy», - dep málim etti oblystyq TJD baspasóz qyzmeti.
Demalyp júrgen jasóspirimder bógetten sýǵa túsken. Biraq, ózenniń tereńdigi men aǵystyń qattylyǵyn eseptemegen. Olar ózdikterinen jaǵaǵa shyǵa almaı, sýǵa aǵyp bara jatqan. 
