Qostanaıda sýǵa batyp bara jatqan áıel qutqaryldy
QOSTANAI. QazAqparat - Tobyl ózeninde sýǵa batyp bara jatqan áıel qutqaryldy,dep habarlaıdy QazAqparat oblystyq TJD baspasóz qyzmetine silteme jasap.
«Jedel-qutqarý jasaǵynyń qyzmetkerleri qalalyq ortalyq jaǵajaıda 1981 jyly týǵan áıeldi qutqardy. Áıel arnaıy jabdyqtalǵan jerden ótip ketip, sýǵa shomyla bastady. Qutqarýshylar jaqyndaǵanda áıel sýda áreń turdy. Zardap shegýshini motorly qaıyqtyń bortyna kóterip, jaǵaǵa jetkizdi.Odan ári jedel járdem qyzmetkerlerine tapsyrdy»,- delingen TJD aqparatynda.
Mamandar áıelmen túsindirý jumystaryn júrgizdi. Jalpy sýǵa túsý kezindegi beıqamdyq, abaısyzdyq qaıǵyly jaǵdaılarǵa ushyratýy múmkin. Qostanaı oblysynyń TJ departamenti azamattarǵa tek jabdyqtalǵan jaǵajaılarda shomylýǵa keńes beredi.
