Qostanaıda sýdy tazartý apparattarynan aqsha urlaǵan kúdiktiler ustaldy
QOSTANAI. QazAqparat - Qostanaı oblysy ortalyǵynyń aýmaǵynda eki azamat sýdy tazartý jáne satý apparattarynan aqsha urlap kelgen, dep habarlaıdy QazAqparat.
22 jáne 21 jastaǵy jigitter 11-14 qarasha aralyǵynda úılerge ornatylǵan qurylǵylardy ashqan. Qaskúnemder 9-shaǵyn aýdanda jáne Sadovaıa kóshesinde apparattardy buzyp, 60 myń teńgeden astam qarjyny qoldy qylǵan.
Kúdiktiler osyndaı urlyqty 8-shaǵyn aýdanda da jasady, onda olar 26 myń teńgeden astam qarajatty urlady.
Jedel-izdestirý is-sharalary barysynda polıtsııa qyzmetkerleri Ramazan Jaqsylyq pen Ádilhan Qaldybek kúdiktilerdi anyqtap, ustady. Qala polıtsııasynyń málimetinshe, jastar qylmysty túnde jasaǵan. Apparat ıesi buzýshylyqtar týraly tańerteń bilgen. JBO beınebaqylaý kamerasymen 9-shaǵyn aýdanda urylardyń sulbalary tirkeldi.
Qazirgi ýaqytta QK-tiń 188-baby «Urlyq» boıynsha tergeý júrgizilýde. Kúdiktiler ýaqytsha qamaý ızolıatoryna qamaldy.
