Qostanaıda stýdent zeınetkerdi tonap ketken
QOSTANAI.QazAqparat - Jaqynda Rýdnyı qalalyq soty 19 jastaǵy stýdent Elena Tsaregorodtsevaǵa qatysty qylmystyq isti qarady, dep habarlaıdy QazAqparat tilshisi.
Іs materıaldary boıynsha, zeınetker N.Fedorov stýdent E.Tsaregorodtsevaǵa úı tazalaǵany úshin aqsha tólep júredi. E. Tsaregorodtseva N.Fedorovtyń bankte jınaǵan qarajysy baryn bilgen. Osylaısha, bógde adamnyń múlkine qol suǵyp, qylmystyq iske barmaqshy bolady.
Ústimizdegi jyldyń 2 aqpanynda stýdent Tsaregorodtseva Fedorovtyń úıine keledi. Zeınetkerdi eki qolymen moıyn tusynan qylǵyndyrady. Jábirlenýshi esinen tanyp qalǵan soń, qylmysker 160 myń teńge aqsha, «Nikon» fotokamerasy, jady kartasy men fotokameralarǵa arnalǵan sómkeni urlaıdy. Shyǵynnyń jalpy quny - 105 970 teńge. Munymen qosa «Samsung» markaly uıaly telefon men páter kiltin alyp ketedi.
E.Tsaregorodtseva jábirlenýshige barlyǵy 293 470 teńge somasynda fızıkalyq jáne materıaldyq zalal keltiredi.
Sot úkimimen qylmysker QR QK 191-babynyń 2-bóligi 1-tarmaǵyna (tonaý) sáıkes kináli dep tanyldy. Ol osy isi úshin 3 jyl merzimge bas bostandyǵynan aıyrylady. Sondaı-aq, zańsyz jolmen tabylǵan múlki tárkilenedi.
Úkim zańdy kúshine engen joq.
