Qostanaıda sport mektebiniń bas esepshisi aqshany jumsap jibergeni úshin 6 jylǵa sottaldy
QOSTANAI. QazAqparat - Qostanaıda fýtbol boıynsha balalar-jasóspirimder sport mektebiniń bas býhgalteri Olesıa Datsıeva 3,5 mln teńgege jýyq qarajatty jumsap jibergeni úshin sottaldy. Qostanaı №2 soty ony QR QK 189-baby 3-bóligi boıynsha aıypty dep tanyp, oǵan múlkin tárkileı otyryp, 6 jylǵa bas bostandyǵynan aıyrý jazasyn taǵaıyndady.
Memlekettik aıyptaýshy Datsıeva 2012-2015 jyldar kezeńinde jarys ótkizý boıynsha qarjy shyǵyndaryn tólegen kezde korporatıvtik kartochkadan barsha qatysýshyǵa, bapkerge arnalǵan qolma-qol qarajatty sheship alyp, aqshany kassaǵa qaıtarmaǵanyn dáleldedi. Jumsalǵan qarajattyń jalpy sany shamamen 1,4 mln. teńgeni qurady.
Datsıeva korporatıvtik kartochkadan taǵy 1,9 mln. teńgeni sheship alyp, óz qajetine jumsaǵan. Sot talqylaýy barysynda sottalýshy kinásin moıyndaǵysy kelmeı, rastaıtyn qujattar revızııa kezinde býhgalterııadan qupııa túrde joǵalyp ketkenin aıtty. Datsıeva bul oqıǵa mekteptiń jańa dırektorymen jumys jáne jeke maqsattaǵy daý-damaıy kezinde bolǵanyna senimdi.
Bas bostandyǵynan aıyrý, múlkin tárkileýmen qosa, sottalýshy uıymdastyrý-ókimdik, ákimshilik-sharýashylyq qyzmetterge baılanysty memlekettik qyzmette laýazymdy qyzmetti ıelený quqyǵynan aıyryldy. Datsıeva dene shynyqtyrý, sport bólimine jumsalǵan bıýdjet shyǵynyn qaıtarýǵa mindetti.
