Qostanaıda spırt tıelgen júk kóligi aýdarylyp qaldy
QOSTANAI. QazAqparat - Qostanaı «Almaty-Ekaterınbýrg» tasjolynda spırt tıelgen Volvo avtokóligi aýdarylyp qaldy, dep habarlaıdy QazAqparat.
Aqparatty oblystyq polıtsııa departamentiniń baspasóz qyzmeti rastady. Oqıǵa 6 aqpan kúni Qostanaıdaǵy halyqaralyq avtojoldardyń birinde bolǵan.
«Volvo kóliginiń 60 jastaǵy júrgizýshisi Krylovka - Qaraoba joldarynyń qıylysynda rólge ıe bola almaı qaldy. Saldarynan tirkeme tsısternadan aǵytylyp, joldan shyǵyp ketti. Tsısterna quıylmaly spırtke toltyrylǵany anyqtaldy», - dedi vedomstvonyń baspasóz hatshysy Irına Bejenar agenttik tilshisine.
Jol-kólik oqıǵasy saldarynan eshkim zardap shekken joq.
