Qostanaıda Sovet odaǵy kezinde Reseıden kelip, quldyqqa túsken adam anyqtaldy

QOSTANAI. QazAqparat – Qostanaı oblysy polıtsııa departamentiniń kóshi-qon qyzmeti sovet úkimeti tusyndaǵy tólqujatpen júrgen er adamnyń azamattyǵyn anyqtaýǵa kiristi, dep habarlaıdy QazAqparat tilshisi.

Qul retinde eńbekke jegilgen er adamnyń erkindikke shyǵarylǵanyn «Damytý» qoǵamdyq qorynyń ókilderi málim etti.

Qordyń basshysy Nına Kosıýktyń aıtýynsha, Dmıtrıı Sovet odaǵy ydyramaı turǵan kezde aqsha tabý úshin Reseıden kelgen. Keıin ol sol tustaǵy Kókshetaý oblysynda, sonan soń Almaty oblysynda quldyqqa salynǵan.

«Damytý» qoǵamdyq qorynyń nazaryna ilingen soń-aq onymen jumys isteı bastadyq, tulǵasyn anyqtaý jumystaryn júrgizdik», - deıdi Kóshi-qon qyzmetiniń bastyǵy, polıtsııa polkovnıgi Qaırat Dútpaev.

Er adamnyń tulǵasyn anyqtaý úshin elordadaǵy RF Elshiligine saýal joldanǵan.

Qaırat Dútpaevtyń aıtýynsha, azamattyǵy anyqtalǵan soń Dmıtrıı readmıssııa jasalady, ıaǵnı qaı eldiń azamaty bolsa, sol elge qaıtarylady ne Qazaqstan Respýblıkasynyń aýmaǵynda qujattandyrylady.