Qostanaıda sottalýshy túrme qyzmetkerine para bermek bolǵan

QOSTANAI. QazAqparat – Qostanaı oblystyq polıtsııa departamenti jeke qaýipsizdik basqarmasynyń qyzmetkerleri jazasyn óteý mekemesindegi zańsyz syıaqy berý faktisiniń jolyn kesti, dep habarlaıdy QazAqparat oblystyq polıtsııa departamentiniń baspasóz qyzmetine silteme jasap.

Osy jyldyń mamyr aıynda oblystyń polıtsııa departamenti jeke qaýipsizdik basqarmasynyń qyzmetkerleri jedel aldyn alý is-sharalary barysynda jazasyn óteýshi «A»-nyń túrme qyzmetkeri «S»-nyń abonenttik nómirine 5 myń teńge kóleminde aqsha qarajatyn aýdarǵanyn anyqtady.

«Bul qarajat sottalýshynyń buryn málimdelgen ótinishi boıynsha sotqa jaza sharasyn aýystyrý týraly isti jiberýge járdem kórsetkeni úshin kepil bolǵan. Osylaısha, sottalýshy «S» laýazymdyq mindetterin oryndaý kezinde laýazymdy adamǵa zańsyz materıaldyq syıaqy berdi. Osy fakti týraly qyzmetker mekeme basshylyǵyna jáne oblystyq QAJD ÓQB ókiline baıandady»,- delingen polıtsııanyń resmı málimdemesinde.

Júrgizilgen tekserý nátıjesi boıynsha sottalýshy kinásin tolyq moıyndady. Qostanaı qalasynyń mamandandyrylǵan ákimshilik sotynyń qaýlysymen «S» ákimshilik jaýapkershilikke tartylyp, 350 myń teńge kóleminde aıyppul salyndy.