Qostanaıda sot oryndaýshysy aqsha jymqyrǵan
QOSTANAI.QazAqparat - Qostanaı oblysynda jeke sot oryndaýshysynyń zańsyz áreketteri áshkere boldy, dep habarlaıdy QazAqparat tilshisi.
Sot oryndaýshysynyń zańsyz áreketterin anyqtaý úshin prokýratýraǵa «Darhan» sharýa qojalyǵynyń basshysy shaǵym túsirgen. Shaǵymdanýshy sot oryndaýshysynyń 246 myń teńgeni jymqyrǵanyn alǵa tartady. Osy fakt boıynsha Qostanaı qalasynyń prokýratýrasy tekserý júrgizdi.
«Zertteý nátıjeleri boıynsha «Darhan» sharýa qojalyǵynyń «Aýyl sharýashylyǵyn qarjylaı qoldaý qory» AQ-na 7 487 729 teńge qaryz ekeni anyqtaldy. Aıyppul óndirý týraly atqarý qujattary nátıjesinde sharýa qojalyǵynan alynǵan 246 myń teńgeni jeke sot oryndaýshysy AQ esepshotyna aýdarýy kerek edi. Biraq, ol aqshany óz esebine jumsaǵan»- delingen sot habarlamasynda.
2016 jyly 10 tamyzda jazylǵan sot oryndaýshysynyń narazylyq haty qabyldanbady. Osylaısha, oblystyq sottyń sheshimimen 246 myń teńge sharýa qojalyǵyna qaıtaryldy.
