Qostanaıda sot-medıtsına saraptamasyn jasaıtyn mamandar jetispeıdi
QOSTANAI. QazAqparat - Qostanaı oblysynda sot-medıtsınalyq saraptamasyn jasaıtyn mamandardyń jetispeýshiligi baıqalady. Bul týraly oblystyq prokýratýranyń 2-shi basqarmasynyń basshysy Qaırat Júsipov málimdedi, dep habarlaıdy QazAqparat tilshisi.
Sot-medıtsınalyq saraptamasyn jasaıtyn maman 10 aýdanda joq. Sonyń áserinen atalǵan óńirlerde tıisti qyzmetter kórsetilmeı otyr.
«Qazir osy aýdandarda mamandardyń tapshylyǵynan turǵyndar qalalarǵa baryp, saraptama alýǵa májbúr. Al kadr máselesin sheshý úshin 10 aýdanǵa 3 mln teńge jumsalady. Sebebi, bolashaq mamandar 4 aılyq kýrstan ótedi. Al biliktilik kýrsyn támamdaý úshin 292 myń teńge qajet», - dedi Júsipov.
Prokýratýra bul máseleniń egjeı-tegjeıin anyqtap, qarjy bólý úshin oblys ákimine jetkizedi.
«Sot-medıtsınalyq saraptamasyn jasaıtyn maman máselesin sheshý arqyly quqyq qorǵaý organdary ýaqyt pen bıýdjet únemdeýge múmkindik alady. Sol sebepti, kóp keshiktirmeı jergilikti ákimdikter qarjy bólse, kadr daıyndaýǵa kóshemiz», - dedi basqarma basshysy.
