Qostanaıda solıarka quıylǵan tsısterna relsten shyǵyp ketti
QOSTANAI. QazAqparat - Qostanaıda tsısternanyń relsten shyǵyp ketýi saldarynan 10 tonna solıarka tógildi, dep habarlaıdy QazAqparat Qostanaı oblystyq TJD baspasóz qyzmetine silteme jasap.
Oqıǵa búgin bolǵan. Aqparat Qostanaı oblystyq TJD Krızıstik jaǵdaılar basqarmasyna túsken.
«Qostanaıda «Ivolga Holdıng» JShS temirjol tuıyǵynda eki dóńgelekti tsısterna relsten shyǵyp ketti (aýdarylǵan joq). Sonyń saldarynan tsısterna ashylyp, 20 sharshy metr aýmaqqa dızel otyny tógildi. Shamamen 10 tonna solıarka tógildi. Tsısternada barlyǵy 54 tonna bolǵan», - dep túsindirdi TJD.
Vedomstvoda atap ótkendeı, basqa poıyzdardyń qozǵalysy buzylǵan joq.
Qazir TJ ornynda jóndeý-qalpyna keltirý jumystary aıaqtaldy. Tsısternany dızel otynyn quıatyn orynǵa súırep alyp bardy. Oqıǵanyń mán-jaıyn kóliktik baqylaý ınspektsııasy anyqtap jatyr.
