Qostanaıda syrǵanaqty buzý kezinde jumysshy qaza tapty

ASTANA. KAZINFORM –  Er adamnyń qulaǵan kezde kópegen súıegi synǵan.

Bul faktini Qostanaı oblysynyń polıtsııa departamenti rastady.

- Eńbekti qorǵaý erejelerin buzý saldarynan adam qaza bolǵan oqıǵa boıynsha polıtsııa aldyn ala tergeýdi bastady. Oqıǵanyń barlyq mán-jaıy anyqtalyp jatyr, -  dep habarlady polıtsııa qyzmetkerleri.

Sondaı-aq, oblystyq densaýlyq saqtaý basqarmasy patsıenttiń aýrýhanaǵa jatqyzylǵannan keıin kóz jumǵanyn naqtylady.

- 13 aqpanda saǵat 19:22-de Qamysty aýdandyq aýrýhanasynyń qabyldaý bólimine 1966 jyly týǵan naýqas jetkizildi. Dıagnoz «Kóp jerden omyrtqa men jambas súıekteriniń synýy» jáne «1-2 dárejeli jaraqattyq shok». Naýqastyń jaǵdaıy aýyr bolǵandyqtan, ol jansaqtaý bólimine jatqyzyldy. Tekserý jáne emdeý medıtsınalyq hattamaǵa sáıkes júrgizildi. Sot-medıtsınalyq saraptama nátıjesinde naýqastyń alkogoldik masań kúıde bolǵany anyqtaldy. Ókinishke qaraı, saǵat 22:40-ta naýqas kóz jumdy, - dep habarlady dárigerler.

Eske salsaq Jambyl oblysynda polıtseı qyzmettik mindetin atqarý kezinde qaza tapqan edi.