Qostanaıda sibir eligin atqandar ustaldy
QOSTANAI. QazAqparat – Qostanaı oblysynyń polıtseıleri Qarabalyq aýdanynyń Prırechnoe aýylynda sibir eligi men jabaıy qabandy zańsyz aýlaǵandardy qolǵa túsirdi, dep habarlaıdy QazAqparat.
Polıtsııanyń baspasóz qyzmeti taratqan aqparatqa súıensek, 23 jeltoqsan kúni izdeýde júrgen 44 jastaǵy azamatty ustalǵan. Tintý barysynda onyń úıinen 4 jabaıy qaban men 6 sibir eligi tárkilendi. Sondaı-aq, eki elik jáne bir jabaıy qabannyń eti, tirkelmegen tegis uńǵyly myltyq pen 60 oq tabyldy.
«Qostanaı oblysynyń tabıǵat qorǵaý polıtsııasynyń bastyǵy polıtsııa podpolkovnıgi Talǵat Ahmetovtyń aıtýynsha, 2019 jyldyń 7 qyrkúıeginen bastap 31 jeltoqsanǵa deıin jabaıy qaban men elikti aýlaý maýsymy ashyq. Janýarlardy atý úshin ań aýlaý lıtsenzııasy kerek. Atalǵan ańshynyń ruqsat qujattary joq bolyp shyqty. Qazirgi ýaqytta QR QK 337-babyna sáıkes «Zańsyz ań aýlaý» faktisi boıynsha sotqa deıingi amaldar júrgizilip jatyr», - dedi oblystyq polıtsııa departamenti baspasóz qyzmetiniń mamany Kenje Qonysbaı.
Jyl basynan beri Qostanaı oblysynda 22 zańsyz ań aýlaý faktisi anyqtalǵan, tabıǵatty qorǵaý zańnamasyn buzǵany úshin 700-den astam adam ákimshilik jaýapkershilikke tartyldy.
