Qostanaıda sheteldikterdi tirkegeni úshin para alǵan polıtsııa bóliminiń basshysy ustaldy

QOSTANAI. QazAqparat - 300 myń teńge para aldy degen kúdikpen Qostanaı qalasynyń Polıtsııa basqarmasy kóshi-qon qyzmetiniń bólim bastyǵy ustaldy, dep habarlaıdy QazAqparat Sybaılas jemqorlyqqa qarsy is-qımyl ulttyq bıýrosyna silteme jasap.

«Sybaılas jemqorlyqqa qarsy is-qımyl ulttyq bıýrosynyń Qostanaı oblysy boıynsha departamenti Qostanaı qalasynyń Polıtsııa basqarmasy Kóshi-qon qyzmetiniń bólim bastyǵymen para alý faktisi anyqtaldy.

Ol shetel azamattarynan jalpy qamqorlyǵy, turý yqtııarhatyn kedergisiz tirkeý jáne rásimdeý úshin júıeli negizde jalpy somasy 300 myń teńge para alýda kúdikti dep tanylýda», delingen habarlamada.

Qazir kúdikti ustalyp, ýaqytsha ustaý ızolıatoryna ornalastyryldy. Bultartpaý sharasyn qabyldaý máselesi sheshilýde.

Baspasóz qyzmetiniń málimetinshe, kúdiktige qatysty túpkilikti úkimdi onyń kinásiniń dárejesin anyqtaý arqyly sot shyǵarady.