Qostanaıda sheteldik temekiler zańsyz saýdalanǵan

QOSTANAI. QazAqparat - Tekserý is-sharalary barysynda Qostanaı oblysy boıynsha Memlekettik kirister departamentiniń qyzmetkerleri temeki ónimderin sáıkestendirý quraldarynsyz ótkizýdiń jolyn kesti, dep habarlaıdy QazAqparat.

Polıtsııa qyzmetkerlerimen birlesken reıd barysynda anyqtalǵan 5 384 qorap sheteldik temeki (Fast, Malboro, Oris, Oscar, Korona, Mancester) bólshek saýdada satýǵa arnalǵany týraly vedomstvaǵa habarlanǵan.

«Zańsyz temeki ónimderi ortalyq bazar aýmaǵynda satyldy. Osy fakti boıynsha QR ÁQtK 283-babynyń 2-bóligi boıynsha ákimshilik materıal jasaldy, ákimshilik is júrgizý týraly hattama sotqa jiberildi», - dep jazdy Memlekettik kirister komıtetinen.

Aıta keteıik, Qazaqstan Respýblıkasynda engizilgen sáıkestendirý quraldarymen mindetti tańbalaý taýarlardyń qozǵalysyn baqylaýdy avtomattandyrýǵa, sol arqyly olardyń sapasy men qaýipsizdigin rastaýǵa, sondaı-aq satýshylar arasynda shynaıy básekelestikti qamtamasyz etýge múmkindik beredi.

Foto: epha.org