Qostanaıda shekarashylar elge zańsyz ákelingen eki qymbat kólikti anyqtady
«Karantın shekteý sharalaryna qaramastan, Memlekettik shekara arqyly quqyqqa qaıshy áreketter toqtamaı tur. 5 shildede «Qaıraq« ótkizý pýnktinde (Qostanaı oblysy) shekarashylar shekaralas memleket aýmaǵynda aıdap ketilýi yqtımal qymbat turatyn « Lexus RX 300« jáne «Toıota Kamrı 70« avtomashınalaryn elge zańsyz kirgizý faktisiniń jolyn kesti», delingen habarlamada.
Avtokólikti tolyq qaraý kezinde dánekerleý jumystaryn júrgizýmen búrkemelengen shanaqtyń nómirlik belgisin qoldan jasaý belgileri anyqtaldy.
«Materıaldar odan ári protsessýaldyq is-qımyldar júrgizý úshin aýmaqtyq polıtsııa bólimshesine berildi. Shekarashylar shekarada ótkizý pýnktterinde jalǵan shanaq nómirleri, texnıkalyq pasporttary men basqa da qoldan jasaý belgileri bar avtomashınalardy turaqty túrde anyqtaıtynyn atap ótý kerek», delingen habarlamada.
