Qostanaıda Shekara mańy aımaqtary áıelderiniń forýmy ótip jatyr
QOSTANAI. QazAqparat - Qostanaı oblysynyń ákimi Arhımed Muhambetov «Shekaralyq yntymaqtastyq - áıelder kásipkerligin damytýdyń jańa múmkindikteri» atty Shekara mańy aımaqtary áıelder forýmyn ashty, dep habarlaıdy QazAqparat tilshisi.
Óńir basshysy sharanyń ashylý rásiminde sóı sóılep, áıelderdiń kásipkerlik qyzmetin damytýdyń mańyzdy máselelerin sheshý qajettigine toqtaldy.
«Eýrazııalyq ekonomıkalyq forýmnyń qurylýy Shekaralyq yntymaqtastyq pen ekonomıkalyq ózara baılanysty keńeıtýge zor yqpalyn tıgizdi. Odaq jumys jasap kele jatqan jyldar ishinde ekonomıkalyq memleketterdiń teńdestirilgen damýyn qamtamasyz etý úshin kóptegen sharalar uıymdastyryldy, ol shekara mańyndaǵy óńirlerdiń ózara baılanysyna áserin tıgizdi», - dedi A.Muhambetov.
Áıel adamdardyń ekonomıkalyq aýmaqtardy damytýǵa qosqan úlesteriniń taǵy bir kórsetkishi - shaǵyn jáne orta bızneske aralasýy. Qostanaı oblysynda 49629 bıznes sýbektileri jumys jasaıdy, kásipker áıelder 23449 kásiporyndaryn, ıaǵnı 47,3% basqarady.
Forýmnyń mańyzdylyǵy jóninde QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraǵasynyń orynbasary Elena Tarasenko da óz pikirin bildirdi.
«Forým jas bolsa da, álemge tanylyp úlgergen elordamyz - Astana qalasynyń 20 jyldyq mereıtoıynyń qarsańynda ótip jatyr. Mańyzdy máselelerdi sheshý úshin birinshi bolyp nıet bildirgen de - Astana. Mundaı bastamalardyń birine jaqsy dástúrge aınalyp ketken shekara mańy aımaqtary áıelderiniń forýmyn ótkizý boldy. Atalmysh shara aıasynda mańyzy zor máselelerdiń sheshimin taýyp qana qoımaı, áıelder kásipkerligin damytý jáne ózara tıimdi iskerlik baılanystar ornatýǵa múmkindik zor», - dedi E.Tarasenko.
Aıta ketý kerek, forýmdy QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııasynyń qoldaýymen Qostanaı oblysynyń ákimdigi uıymdastyrdy. Forýmǵa memlekettik organdardyń, memlekettik syńaıly sektordyń jáne Reseı Federatsııasynyń Qorǵan, Orynbor, Chelıabi, sondaı-aq Qazaqstannyń Soltústik Qazaqstan jáne Qostanaı, Qaraǵandy oblystaryn tanystyrǵan shekara mańy aımaqtardyń iskerlik ortalarynan 250 ókil qatysty.
