Qostanaıda shekara qyzmetkerleri para alǵany úshin sotta jaýap beredi
QOSTANAI. QazAqparat - Qostanaıda shekara qyzmetkerleri para alǵany úshin sot aldynda jaýap beredi, dep habarlaıdy «QazAqparat» HAA tilshisi Qostanaı oblystyq sotynyń baspasóz qyzmetine silteme jasap.
Qostanaı qalalyq №2 sotyna «Qostanaı shekara rásimdeý ortalyǵy» shekara beketiniń 8 qyzmetkerine qatysty qylmystyq is kelip tústi. Olar birneshe bap boıynsha aıyptalýda: para alýǵa deldaldyq jasaý, óziniń qyzmetin paıdalanyp birneshe ret para alýǵa deldaldyq jasaýǵa oqtalý.
Aıyptalýshylar ózderiniń qyzmettik jaǵdaıyn paıdalanyp, 2016 jyldyń 1 shildesinen 12 jeltoqsanyna deıingi kezeńde paıdakúnemdikpen birneshe ret aqshalaı syıaqy túrindegi syrtqy ekonomıkalyq qatysýshylardan para alýǵa járdemdesýge oqtalǵan.
