Qostanaıda Shaqshaq Jánibek batyrǵa arnalǵan eskertkish boı kóterdi
ASTANA. QazAqparat - Jańa eskertkish Qarbyshev kóshesi men áýejaıǵa baratyn joldyń qıylysynda ornalasqan, dep habarlaıdy alau.kz.
Eskertkish turǵyzý - adamdardyń erikti túrdegi qaıyrymdylyq isine aınalyp barady. Merdigerler eskertkishtiń naqty baǵasyn aıtpaı otyr.
«Bizge eki myń teńgeden bastap, birneshe mıllıonǵa deıin kóptegen somalar usynyldy. Eskertkishti turǵyzý jumystary qańtar aıynda bastaldy. Skýlptor - belgili mádenıet qaıratkeri Qadyrjan Kákimov. Barlyǵy 270 tonna tas jumsaldy. Eskertkishtiń ózine Almaty oblysynda óndirilgen qola paıdalanyldy», - dedi merdiger-fırma basshysy Dýlat Shaıahmetov.
Abylaı hannyń qolbasshylarynyń biri Jánibek Qoshqaruly 1693 jyly Torǵaı óńirinde dúnıege kelgen. Ol sheber qolbasshy boldy, sol úshin joǵary áskerı ataqqa ıe bolyp, bedeldi memleket qaıratkeri atandy. Shaqshaq Jánibek 1752 jyly qaıtys bolyp, Túrkistan qalasynda jerlengen.
