Qostanaıda shaǵyn kásip ashýǵa myńnan astam nesıe berildi
Delegatsııa Qostanaı aýdanyndaǵy jumyspen qamtý jáne xalyqqa qyzmet kórsetý ortalyqtarynyń jumysymen tanysty. Búginde atalmysh ortalyqtarda qyzmet túriniń teń jartysy elektrondy nusqaǵa aýysqan. Jalpy Qostanaı aýdanynda 75 myń turǵyn bar. Ortalyqtardaǵy jumys kúshi turǵyndardy tolyq qamtýǵa múmkindik beredi.
«Azamattarǵa arnalǵan úkimet» korporatsııasy oblystyq fılıalynyń basshysy Saǵdat Bekturovtyń aıtýynsha, 2018 jyly korporatsııa qyzmetkerleri biryńǵaı baılanys ortalyǵy arqyly berilgen ótinimderge sáıkes 2899 qyzmet kórsetti. Onyń ishinde 43 múmkindigi shekteýli adamnyń úılerine baryp, memlekettik qyzmet usyndy. Orta eseppen alǵanda, oblys boıynsha HQO-ǵa kúnine 6000-8000 adam, al Qostanaı aýdanynda 400-600 adam keledi.
Gúlshara Ábdixalyqova ortalyqqa kelgen azamattarmen sóılesip, qyzmet kórsetý barysyn qadaǵalady. Ol turǵyndarǵa ýaqytyly ári sapaly qyzmet kórsetýdi tapsyrdy.
Premer-mınıstrdiń orynbasaryna oblystaǵy jumyspen qamtý kórsetkishteri málim etildi. Byltyr óńirde «Bastaý bıznes» baǵdarlamasymen 2311 adam bıznes kýrstarynan ótse, onyń 667-sy shaǵyn nesıe aldy. Al oblys boıynsha turǵyndarǵa kásipterin ashý úshin 1039 shaǵyn nesıe berilgen. Onyń nátıjesi jaman emes. Ásirese, aýyl sharýashylyǵy salasynda sharýasyn dóńgeletken kásip ıeleriniń qatary artqan.
Gúlshara Ábdihalyqova óz sózinde Úkimet músheleriniń óńirlerdi aralaýdaǵy basty maqsaty - az qamtylǵan otbasylardyń tynys-tirshiligin kózben kórip, qordalanǵan máselelerdiń sheshilýine tikeleı atsalysý ekenin atap ótti.
