Qostanaıda shaǵyn avtobýs traktormen soǵysyp, 10 adam japa shekti
QOSTANAI. QazAqparat — Qostanaı oblysynda bolǵan jol apatynan 10 adam zardap shekti, dep habarlaıdy QazAqparat tilshisi Qostanaı oblysy polıtsııa departamentiniń baspasóz qyzmetine silteme jasap.
Oqys oqıǵa «Almaty-Ekaterınbýrg» kúre jolynda bolǵan.
«19 shilde kúni túngi 3 shamasynda «Almaty-Ekaterınbýrg» avtojolynda «Mersedes» avtomashınasyn basqarǵan 65 jastaǵy júrgizýshi Qostanaıǵa kele jatyp, 584-shaqyrymda osy baǵytta kele jatqan «MTZ-80» traktorymen soqtyǵysyp ketken», - dep málimdedi polıtsııa.
Oqys oqıǵa saldarynan 10 adam jaraqat alyp, aýdandyq aýrýhanaǵa jetkizilgen.
Osy oqıǵaǵa baılanysty tergep-tekserý bastaldy.
