Qostanaıda saıajaı aýmaǵy órtendi
QOSTANAI. QazAqparat - Órt sóndirýshiler Qostanaıdyń saıajaı aýmaǵynda órtengen shóp pen qoqysty sóndirdi, dep habarlaıdy QazAqparat TJM silteme jasap.
17 qyrkúıek kúni saǵat 11:30-da «101» pýltine Qostanaıdan 18 shaqyrym jerde ornalasqan «Prıgorodnyı» saıajaı qoǵamdastyǵynyń aýmaǵyndaǵy órt týraly habarlama kelip tústi.
Órt sóndirý eseptoptarynyń kelýi boıynsha 10 ga alańda qaraýsyz qalǵan ýchaskelerde qurǵaq shópter, qoqystar men butalar janǵany anyqtaldy. Qatty jeldiń saldarynan órt ýchaskelerdiń birinde aǵash dýalǵa jaıyldy. Saıajaı úıleri zardap shekken joq.
Qutqarýshylardyń jedel áreketteriniń arqasynda órtti saǵ.16:23-te oqshaýlap, 18:27-de tolyq sóndirildi.
