Qostanaıda saýnada zańsyz qumar oıynyn uıymdastyrǵandar ustaldy

ASTANA. QazAqparat - Qostanaı polıtseıleri zańsyz oıyn bıznesiniń jolyn kesti, – dep habarlaıdy Polisia.kz.

Jedel izdestirý is-sharalaryn júrgizý barysynda Qostanaı oblysy PD uıymdasqan qylmysqa qarsy kúres basqarmasynyń qyzmetkerleri uıymnyń oıyn bıznesi salasyndaǵy qyzmetiniń jolyn kesý boıynsha arnaıy operatsııa júrgizdi.Basqarma bastyǵy Serik Baıgonov túsindirgendeı, qumar oıyn úshin jaldamaly saýnalardyń ishinde bólek bólme paıdalanylǵan. Ol úshin fıshkalar, kartalar, súıekter, uıaly telefondar qoldanylǵan.

Arnaıy operatsııa barysynda 9 adam ustalyp, zattaı dáleldemeler tárkilendi. Qazirgi ýaqytta polıtsııa QR QK-niń 307-baby (Zańsyz oıyn bıznesin uıymdastyrý) boıynsha sotqa deıingi tergep-tekserýdi bastady. Baptyń sanktsııasy múlki tárkilenip, 5 jylǵa deıin bas bostandyǵynan aıyrýdy kózdeıdi. Qazirgi ýaqytta qajetti tergeý áreketteri júrgizilip jatyr.