Qostanaıda saýda ortalyqtaryna «bomba qoıǵan» kúdiktige izdeý salyndy

QOSTANAI. QazAqparat – Qostanaı oblysynda jarylǵysh zat týraly jalǵan habarlama taratqan kúdiktige izdeý salyndy, dep habarlaıdy QazAqparat oblystyq Polıtsııa departamentiniń baspasóz qyzmetine silteme jasap.

Buǵan deıin Qostanaı qalasynda polıtsııa iri saýda ortalyqtaryn qorshaýǵa alǵanyn habarladyq.

«29 qańtar kúni saǵat 18:00-de polıtsııaǵa saýda ortalyǵynda jarylǵysh zat bar ekendigi týraly jasyryn habarlama keldi. «Mart» jáne «Qostanaı plaza» saýda ortalyqtaryna kelýshiler evakýatsııalandy», delingen vedomstvonyń habarlamasynda.

Qazir polıtsııa shuǵyl sharalardy bastady. «Bomba» týraly jalǵan habar taratqan kúdiktige izdeý salyndy.