Qostanaıda saýda ortalyǵyna «jarylǵysh zat» qoıyldy
QOSTANAI. QazAqparat - Qostanaıdaǵy «MART» saýda ortalyǵynyń kelýshileri men qyzmetkerleri evakýatsııalandy, dep habarlaıdy QazAqparat.
Oblystyq polıtsııa departamentiniń baspasóz hatshysy Irına Bejenar aıtqandaı, tártip saqshylary saýda ortalyǵyn túgeldeı qorshaýǵa aldy.
«Búgin saǵat 12:40 kezinde saýda ortalyǵynyń telefonyna jarylǵysh zattyń qoıylǵany týraly habarlama túsken. Oqıǵa ornyna barlyq múddeli organnyń qyzmetkerleri jumyldyryldy. Aýmaq qorshaýǵa alynyp, saýda ortalyǵynyń ishindegiler evakýatsııalandy. Іzdeý nátıjesi boıynsha eshqandaı jarylǵysh zat tabylmady. Aqparat jalǵan bolyp shyqty», - dedi Irına Bejenar agenttik tilshisine.
Polıtseıler jalǵan habar taratqan adamdy izdep jatyr. Sotqa deıingi tergeý amaldary bastalyp ketti.
