Qostanaıda saýda ortalyǵyna «bomba qoıǵan» azamat izdestirilip jatyr
QOSTANAI. QazAqparat - Qostanaıda saýda ortalyǵyna jarylǵysh zat qoıyldy dep qońyraý shalǵan kúdikti izdestirilip jatyr, dep habarlaıdy QazAqparat.
«14 mamyr kúni saǵat 22.42-de «Soltústik» polıtsııa bólimshesine er adam habarlasyp, «Qostanaı-Plaza» saýda dúkenine jarylǵysh zat qoıylǵanyn aıtqan. Dereý oqıǵa ornyna polıtsııa, órt sóndirý qyzmeti, qutqarýshylar jáne jedel járdem brıgadasynyń dárigerleri keldi. Polıtsııa qyzmetkerleri saýda ortalyǵy aýmaǵyn qorshaýǵa alyp, kólik qozǵalysyn shektedi. Ǵımarat ishindegi 300-ge jýyq azamat evakýatsııalandy», - dedi oblystyq polıtsııa departamenti baspasóz hatshysy Irına Bejenar.
Qyzmetkerler «Qostanaı-Plaza» ǵımaraty men oǵan irgeles aýmaqqa tekserý júrgizdi. Nátıjesindn jarylǵysh zat tabylǵan joq.
Atalǵan fakti boıynsha QR QK 273-baby boıynsha sotqa deıingi tergeý bastaldy. Polıtseıler terrorızm aktisi týraly jalǵan habar taratqan kúdiktige izdeý saldy.
